މި ޖަމްޢިއްޔާގެ ނަމަކީ، "جَمْعِيَّةُ السَّلَفِ" ، (ޖަމްޢިއްޔަތުއްސަލަފް) އެވެ.

ޖަމްޢިއްޔާގެ މަޤްޞަދަކީ، އިސްލާމް ދީނަށް ނަޞްރު ދިނުމާއި، ދީނީ ގޮތުން މުޖްތަމަޢު ހޭލުންތެރި ކުރުވުމާއެކު އިސްލާމީ މަކާރިމުލް އަޚްލާޤުގެ ތެރެއިން އިޖްތިމާޢީ ކަންތައްތަކުގައި ހަރަކާތްތެރިވުމެވެ.

ޖަމްޢިއްޔާގެ ޝިއާރަކީ، "اَلدِّيْنُ النَّصِيْحَة" މިއެވެ.

ޖަމްޢިއްޔާގެ ދިދައަކީ، ހުދުކުލައިގެ ދިދައެއްގެ މެދުގައި ކަޅު ކުލައިން، ޢަރަބި އަކުރުން "لا إله إلاّ الله محمّد رّسول الله" ލިޔެވިގެންވުމެވެ. މި ދިދައަށް ބަދަލު ގެނެވޭނީ ހިންގާ ކޮމިޓީގެ އަޣްލަބިއްޔަތު ލިބިގެންނެވެ.

ހ. ކޮންމެ މުސްލިމް ފިރިހެނަކާއި އަންހެނަކަށްވެސް ޖަމްޢިއްޔާގެ މެންބަރަކަށް ވެވިދާނެއެވެ.

ށ. ޖަމްޢިއްޔާގެ މެންބަރުންގެ ގިންތިތައް ބެހިގެންވަނީ ތިރީގައިވާ 3 ބަޔަށެވެ.

ހ. ޖަމްޢިއްޔާގެ ހަރަކާތްތެރި މެންބަރުކަމުން ވަކިވެވޭނީ އެމެންބަރަކު ޖަމްޢިއްޔާއިން ވަކިވުމަށްއެދި ޖަމްޢިއްޔާގެ އިދާރާއަށް ލިޔުމަކުން އެކަން ހުށަހެޅުމުންނެވެ.

ށ. ޖަމްޢިއްޔާގެ މަޤްޞަދުތައް ޙާޞިލްކުރުމަށް ކަނޑައަޅާ ކަންތައްތަކާ ޚިލާފުވެ، ޕްރޮގްރާމްތަކަށް ހުރަސް އަޅާ މެންބަރުންނަށް، އެފަދަ ކަންތައްތައް ނުކުރުމަށް ނަޞޭޙަތްތެރިވުމަށްފަހު އިޞްލާޙުނުވެއްޖެނަމަ މެންބަރުކަމުން ވަކިކުރެވޭނެއެވެ.