ކުރިން އަލިމަސް ކާނިވަލުގައި ބޭއްވުމަށް ހަމަޖެއްސި ދަރުސްތައް މޫސުން ހުރިގޮތުން މިހާރު ވަނީ މަތީގައި ވާ ގޮތަށް ބަދަލުކުރެވިފައެވެ.

ޖަމްޢިއްޔަތުއްސަލަފްގެ ފަރާތުން އޯގަސްޓް 31 އާއި ސެޕްޓެމްބަރު 1 ވަނަ ދުވަހުގެރޭ ދަރުސްތަކެއް ބޭވުމަށް ވަނީ ހަމަޖެހިފައެވެ. މި ދަރުސްތައް ދިނުމަށް ހަމަޖެހިފައިވަނީ އައްޝޭޚް އާދަމް ޝަމީމް ބިން އިބްރާހީމް އެވެ. ފުރަތަމަރޭގެ މައުޟޫޢު އަކީ " ރަމަޟާންގެ ނިދާ " އަދި ދެވަނަރޭގެ މައުޟޫޢު އަކީ " ރޯދައިގެ އަޙްކާމް " އެވެ. މި ދަރުސްތައެބޭއްވުމަށް ހަމަޖެހިފައިވަނީ އަލިމަސް ކާނިވަލުގައެވެ.

މިމަހުގެ 19 ވަނަ ދުވަހުގެރޭ ދަރުބާރުގޭ ދޮށިމޭނާ މާލަމުގައި ދަރުސް އެއް ބޭއްވުމަށް ވަނީ ހަމަޖެހިފައެވެ. މި ދަރުސް ދެއްވުމަށް ހަމަޖެހިފައިވަނީ ފަޟީލަތުއްޝޭޚް އިސްމާޢީލް މުޙައްމަދެވެ. މި ދަރުސްގެ މައުޟޫޢު އަކީ " ރަމަޟާން މަހާއި ކީރިތި ޤުރުއާން " އެވެ.

ޖަމްޢިއްޔަތުއްސަލަފުގެ ފަރާތުން ޖުލައި 19 އަދި 20 ވަނަދުވަހުގެރޭ ދަރުބާރުގޭގައި ބޭއްވި ދަރުސްތަކުގެ ޑީ ވީ ޑީ ނުކުމެއްޖެއެވެ. މެދުމިން އަދި ހައްދުފަހަނައެޅުމާއި ބެހޭގޮތުން އައްޝޭޚް އާދަމް ޝަމީމް ބިން އިބްރާހީމް ދެއްވާފައިވާ މިދަރުސްތަކުގެ އަގަކީ ޑީ ވީ ޑީ އެއް -/30ރ އެވެ. މިދަރުސްތައް ޢަބާޔާ ފިހާރައިންނާއި ފްރީޒްބްރޭންޑުން ލިބިވަޑައިގަންނަވާނެއެވެ.

ޖަމްޢިއްޔަތއްސަލަފުގެ ފަރާތުން އޯގަސްޓް 6 ވަނަ ދުވަހު ބޭއްވުމަށް ހަމަޖެހިފައިވާ ދަރުސް " ކިޔަވާ ކުދިންގެ ޝުޢޫރު " އެހެން ތާރީޚަކަށް ލަސްކޮށްލި ވާހަކަ ދަންނަވަމެވެ. އަދި ފަހުން އެތާރީޚް އިޢުލަނު ކުރާނެ ވާހަކަވެސް ދަންނަވަމެވެ. ان شاء الله

ޖަމްޢިއްޔަތުއްސަލަފުގެ ފަރާތުނެ ހދ. ހަނިމާދޫގައި ބޭއްވި ދަރުސްގެ ޑީވީޑީ ނިކުމެއްޖެއެވެ. މިދަރުސްގެ މަޢުޟޫއު އަކީ "އިސްލާމްދީނާއި އިޖުތިމާޢީ ސަލާމަތްތެރިކަން" މިއެވެ. ޝެއިޚް މުޙައްމަދު ނަޝީދު އާދަމް ދެއްވާފައިވާ މި ދަރުސްގައި މި މަޢުޟޫއުގެ މައްޗަށް ވަރަށް ފުރިހަމައަށް އަލިއަޅުވާލައްވާފައިވެއެވެ. ޑީވީޑީ އެއްގެ އަގަކީ -/25ރ އެވެ.

ޖަމްޢިއްޔަތުއްސަލަފުގެ ޖަލްސާއެއް އޯގަސްޓް 6 ވަނަ ދުވަހު ބާއްވާގޮތަށްވަނީ ހަމަޖެހިފައެވެ. މި ޖަލްސާއަކީ މިހާތަނަށް ބޭއްވުނު ޖަލްސާތަކާ ޚިލާފަށް ޚާއްޞަކޮށް ކިޔަވާކުދިންނަށް އަމާޒުކުރެވިގެން ބޭއްވޭ މިފަދަ ފުރަތަމަ ޖަލްސާއެވެ. މިރޭގެ މަޢުޟޫއު އަކީ "ކިޔަވާކުދިންގެ ޝުޢޫރު" މިއެވެ. މި ޖަލްސާގައި ވާހަކަ ދެއްކުމަށް ހަމަޖެހިފައިވަނީވެސް ކިޔަވާކުދިންނެވެ. ވީމާ ވީހާވެސް ގިނަ ކިޔަވާކުދިނ މި ޖަލްސާއަށް ހާޟިރު ވުމަކީ މި ޖަމްޢިއްޔާގެ ވަރަށް ބޮޑު އެދުމެކެވެ. މި ޖަލްސާ އޮންނާނީ ދަރުބާރުގޭގައެވެ.

ޖަމްޢިއްޔާގެ ފަރާތުން މި ޖުލައި 19 އަދި 20 ވަނަ ދުވަހު ބޭއްވި ދަރުސްތަކުގެ ސީޑީ ނުނެރެވި ލަސްވަމުންދާތީ އެންމެހާ ބޭފުޅުންގެ އަރިހުން މަޢާފަށް އެދެމެވެ. މިދަރުސްތައް ނެރުން ލަސްވަމުންދަނީ މިސީޑީ ތަކުގެ ކަވަރުތައް ޕުރިންޓު ކުރަނީ ރާއްޖޭން ބޭރުންކަމުގައި ވަތީއެވެ. ރާއްޖޭން ބޭރުން ކަވަރު ޕުރިންޓު ކުރަންޖެހެނީ މިހާރުވެސް ޖަމްޢިއްޔާގެ ސީޑީ ތައް ވިއްކަމުންދާ ހެޔޮ އަގުގައި ފޯރުކޮށް ދިނުމުގެ ބޭނުމުގައެވެ.

ޖަމްޢިއްޔަތުއްސަލަފް އާއި އުލިގަމު ޒުވާނުން ގުޅިގެން މި މެއި މަހު ހ.އ ގައި ބޭއްވި ދަރުސްތަކުގެ ތެރެއިން 22 ވަނަ ދުވަހު އުލިގަމުގައި ބޭއްވި ދަރުސް " ޙަޔާތުގެ ކުރު ދަތުރު " ގެ ޑީ ވީ ޑީ ނިކުމެއްޖެއެވެ. މި ދަރުސްތައް ދެއްވާފައިވަނީ الشيخ محمد نشيد آدم އެވެ. شيخ ގެ މިދަރުސްގައި މި ދުނިޔޭގެ ޙަޔާތާ ބެހޭގޮތުން ވަރަށް ފުރިހަމައަށް އަލި އަޅުވާލާފައިވެއެވެ. ހ.އ ގައި ބޭއްވި ދަރުސްތަކުގެ ތެރެއިން ބާކީ އޮތް 2 ދަރުސް ވަރަށް އަވަހަށް انشاء الله ނިކުންނާނެއެވެ. އެންމެފަހުން މިނެރެވުނު ޑީ ވީ ޑީ ގެ އަގަކީ 25 ރުފިޔާއެވެ.

03 މެއި 2008 ވަނަ ދުވަހު މި ޖަމްޢިއްޔާގެ ފަރާތުން 2 މީހުން ކ.ގުރައިދޫއަށް ކުރި ޒިޔާރަތުގައި އެރަށު މަދަރުސާގެ ބައެއް ދަރިވަރުންނާއި، ބެލެނިވެރިންނާއި، ސްކޫލްގެ އިސް ފަރާތްތަކާއި، ރ.ކ.އ ކޮމެޓީގެ މެމްބަރުންނާއި އަދި މިނޫނަސް ރަށުގެ އެހެނިހެން ރައްޔިތުންނާއި ބައްދަލުކޮށް މަޢުލޫމާތު ސާފުކުރިއެވެ. އަޅުގަނޑުމެން ކުރި ދިރާސާތަކުން އެތައް ބަޔަކު ބުނެފައިވަނީ ނަޞާރާ ދީނުގެ ފޮތްތަކެއް ސްކޫލްގެ ލައިބްރަރީގައި ހުރި ކަމަށެވެ. އަދި މި ފޮތްތަކަކީ ސްކޫލުން ފާސްކޮށް ތައްގަނޑު ޖެހުމަށްފަހު ލައިބްރަރީއަށް ލާފައިވާ ފޮތްތަކެކެވެ. ސްކޫލްގެ ލައިބްރަރީގެ ޚިދުމަތް ބޭނުންކޮށްފައިވާ ކުދިން ބުނާގޮތުގައި މި ޒާތުގެ ނަޞާރާ ދީނުގެ ބައިވަރު ފޮތް ލައިބްރަރީގައި އެބަހުއްޓެވެ. ބައެއް ކުދިން ބުނިގޮތުގައި 30 އަށްވުރެ ގިނަ ފޮތް ލައިބްރަރީގެ ޝެލްފްގައި ހުއްޓާ އެކުދިން ދުއްކަމަށް ބުނެއެވެ. މީގެ އެއް ފޮތް އަޅުގަނޑުމެންގެ ޓީމަށް ދެއްކިއެވެ. އޭގެ އެތެރޭގައާއި ބޭރުގައި ސްކޫލް ތައްގަނޑު ޖެހިފައިވެއެވެ. މިކަމާބެހޭގޮތުން ސްކޫލްގެ އިސް ފަރާތްތަކާއި ސުވާލުކޮށްލުމުން ވިދާޅުވީ އެއީ އެންމެ ފޮތެއް ކަމަށެވެ. އިތުރަށް ވިދާޅުވޭ

މިދިޔަ ހަފްތާގައި ކ. ގުރއިދޫ ސްކޫލުގައި އެ ސްކޫލުގެ ތައްގަނޑުޖަހާފައިވާ ކުރިސްޓިއަންދީނާއި ބެހޭ ފޮތް ތަކެއްވަނީ އެ ސްކޫލުގެ ލައިބްރަރީގައި ބަހައްޓާފައެވެ. އަދި މިފޮތްތައްވަނީ ދަރިވަރުން ގެއަށް ގެނެސް ކިޔާ ހަދާފައެވެ. ވީމާ މި މައްސަލަ ހިނގި ގޮތް ދިރާސާ ކުރުމަށްޓަކައި ޖަމްޢިއްޔަތުއްސަލަފުގެ ފަރާތުން ޓީމެއް އެރަށަށް ދާދި ދެންމެއަކު ފުރައިފިއެވެ. އެޓީމާއި އެކު ޖަޒީރާ ނޫހުގެ ރިޕޯޓަރެއްވެސް ދިޔައެވެ. މި ކަމާ ގުޅޭ އިތުރު ޚަބަރު ގެނެސްދެވޭތޯ އަޅުގަނޑުމެން انشاء الله މަސައްކަތް ކުރާނަމެވެ.